خلال استضافتها في برنامج "الدوامة plus" على إذاعة إي أف أم، تحدّثت الفنانة نوال غشام، ردت على الانتقادات التي طالتها بعد سهرتها في منزل الغنوشي مع أنصار حركة النهضة، قالت نوال :
مانيش نادمة اني حضرت السهرية الي فيها الغنوشي وعمري ما نندم على حاجة عملتها قبل...
أنا أول حاجة فنانة ومن حقي نحكي مع أي شخصة سياسية والا موش سياسية فاعلة موش فاعلة وحتى حد ماعندو حق يكون وصي عليا وانا حرة... الدار موش متاع الغنوشي هي لرجل أعمال صديقي متربين مع بعضنا من الصغرة...
وأضافت : أنا مشيت لصحابي... استدعاوني لسهرية والا عشوية عاملينها انا مشيت ومافيباليش انو الغنوشي باش يكون موجود دخلت نلقى سعاد عبد الرحيم سلمت عليها عادي... فجأة نلقى الغنوشي دخل كي دخل شنوة باش نعملو نطردو ! ؟ قعدنا لا انا طلبت منو حاجة لا هو طلب مني حاجة ".